7:45PM行完個館,走去台北車附近揾食,沿故事館後面條街直行,再右轉入重慶南路一段行一陣便見到-->全台灣最出名胡椒餅名店,福州世祖
用傳統烤爐烤熟,NT45(HK$11.2)個
你睇個包幾大,皮脆但嫌略包身厚,裏面多汁舊牛肉好厚,新鮮熱辣,but D葱少D,有胡椒香但不辣,好好味唔試走寶!
隔離有檔飲品店,家下台北興飲lemon愛玉冰,好飲,愛玉QQ,都唔知點解台灣人酷愛QQ食物--什么布丁、蒟弱、啫喱、愛玉、粉圓等通街都是!
跟住行過D有間叫良品--牛肉麵節第2名,最出名係...
紅燒牛肉麵--D麵條係手打,好粗身又係QQ,個湯厎好香牛腩及藥材味
我要了無咁油的清湯牛肉麵,一樣咁好味,不過me不慣吃咁厚身麵,下次有chance吃要轉幼麵。
食完飽到上心口,10:00pm左右返酒店,原來Just sleep Hotel係between 捷運台北車站&西門町中間,食完野就咁walk返去只需10mins左右,算方便咪當散步囉!
講下間Hotel Just Sleep 捷絲旅,原來今年6月才開幕,係五星hotel晶華國際酒店旗下的botique hotel,我發現許多香港人同日本人入住,閒日都好full
酒店走簡約設計,話明 Just sleep,只有房間、食早餐地方及大堂check in,其餘什么娛樂場、餐廳商店等設施係欠奉,不過勝在夠新淨、房間面積適中及房內所有基本用品都齊!
呢6日就住在829號房la!
酒店所有用品同寢具都同晶華用的–樣
沐浴間同厕所係分開獨立的
只得淋浴,無浴缸
仲有免費咖啡茶包同每日2支蒸溜水供應,有雪櫃同風筒的。
最正係呢張queen size 大床,好鬼舒服一躺上去即瞓果隻,really just sleep!!床尾係有部掛牆LCD電視的。
酒店待應服務態度好好,不過話哂新開太多新人可能經驗不夠,話說本應安排入住629號房,点知入到去居然有件行李擺响度,打開雪櫃雪咗3支已飲的飲品,莫非間房已有人入住?搞笑...唔埋乜事一定要轉房la!
至於早歺係自助式,每天都係呢D食物,款少D但味道唔差!
Just sleep hotel--台北市中華路一段41號,西門町站5號出口往漢口方向行3mins
留言列表