嗱嗱林寫埋最後2日行程先
第五天-橫風橫雨
今早走去北投温泉區行下,雖然無預備浸温泉,但這裏近郊多景点,又捷運直達,方便!
捷運新北投列車車身D畫好有溫泉feel,kawaii!
車箱内個浴桶好搞鬼,裏面有TV介紹新北投景点
車站設計
台北市立圖書館北投分館,2006年建成
全座用木造,利用太陽能發電,雨水回收系統等,相當環保的一座建築物!
圖書館旁邊便是北投温泉博物館,好靚!博物館前身是公共浴場,建於1913年,後荒廢,於1998年改為北投温泉博物館
免費入內參觀,這個是休息室,方便浸完温泉休息。
好有日式feel!
大浴場遺址
裏面仲有D館講解北投歷史及溫泉的形成
原來以前D人浸完温泉可直接在浴場内買票睇獻,識嘆!
行完博物館在往上行,大約15分鐘左右,便到達地熱谷--北投温泉泉眼所在地,沿途有許多温泉酒店,也有頗多香港人入住,梗係la!咁方便地点夠清靜,這裏一定便宜過日本的,睇定環境下次再去台北一定要住番晚浸吓正宗温泉先
從高處睇個泉眼,水係青色,因為是青磺泉質(原來硫磺分青磺、白磺及鐵磺)
企咗一陣,feel好熱同好臭的硫磺味湧上來,都係鬆人
北投温泉區在捷運新北投站,記得在北投站轉車搭多一個站去新北投喎!
下午離開新北投,搭多7個捷運站便到淡水了
淡水冇乜景点,只有無敵海景+成條街超多食肆及手信店!
淡水紅樓-百年建築古蹟,現已改成coffee shop,似美利樓
未食lunch,來到淡水必吃這檔出名的可口魚丸,魚丸彈Q,中間包一點肉燥,好味到同Ah四共吃了3碗!
食完魚丸行前D食埋阿香蝦卷,似炸雲吞,酥脆美味, NT$15(HK$3.8)一串咋!
除了魚丸,阿給也是淡水名物,一定要試!條街有許多舖有阿給吃的,『阿給』是日語油炸豆腐的發音
油豆腐釀入粉絲,以魚漿封口,蒸熟加上肉燥滷汁拌吃,正呀! NT$35(hk$9)碗咋!
大大塊乳酪豬扒--NT65(HK$16),似大大塊炸雞排,不過裏面釀入芝士
睇下D cheese溶咗係咁流出來,嘩!
蚵嗲--麻麻,超咸!
巨無霸雪榚--口感介乎刨冰與雪糕之間,勝在過癮!
手信--許義魚酥同阿婆鐵蛋在淡水最出名!
不經不覺都6:00pm,聽說淡水漁人碼頭名聞夕陽美景,於是用了NT$200(HK$50)買了2張來回票往漁人碼頭,這裏便是乘船碼頭,做人最緊要及時行樂嘛!
搭了15mins,天都黑齊,睇唔到黃昏景,嘥哂!只影到這個觀光吊橋
原來漁人碼頭只有這吊橋『情人橋』是景点,唔係掛!用HK$50船費影呢幾張相,超貴!你地去淡水唔駛專登再到此處,我做咗白老鼠了!
行上吊橋仲要横風橫雨,D相影得唔靚!
有餐廳食肆,but遊人稀少拍烏蠅!愚人碼頭就真!
行到1個鐘左右就鬆人!
Continue.....
留言列表