旅行社: 東灜遊
團号: JEAB05
飛機: JAL
Date: 2010年4月12-4月16日
團費: Basic $6999+ 燃油費、機場稅等$583 + 導遊小費 $500 Total=$8082 (每人)
第一天:陰天大雨,寒冷,氣溫4-6度
4月11日晚10點左右已到達機場,今晚會搭凌晨12:20am(香港時間)機去東京羽田機場,以往都係早机去日本玩,今次第一次零晨机去,雖然辛苦D冇得瞓咁濟,但想起可以早D到達日本,乜都抵番哂la!
一上机就瞓,大舊真係..個枕頭仔好fit佢 wor!
經過4個半小時的飛行時間,臨降落見到太陽出來了!
過關後已是上午 6:50am,good morning Japan,事隔2年我地又見面了!想說是羽田機場十分十分細少,比起成田機場一半都冇,見到裏面過關D裝修似係以前歡樂今宵D臨時搭建佈景板,幾搞笑....出面check in counter(departure)同旅客到達(arrival)是迫埋同一層,細到連企的地方都冇
check in在這左邊
arrival就只有右边這細少地方
跟住一嚟就要3個幾小時長車程,離開東京向東北走,往櫪木縣,在那裡?睇以下幅圖就知那裡,油咗紅色個度就係,睇乜?一陣就知!
估唔到在車程一半的路途上,因為要往休息站,下車時見到幾棵剛盛開的櫻花,咁大個女第一次親眼近距離見sakura,真係好美,可惜無太陽、天色太昏暗又下緊雨,Ah 四已盡了力影D sakura,唉!天氣再好D就好了!
有冇留意樱花樹下係smoking area?咁都可以開到咁靚,證明呢度D空氣質素係超好,「索多幾啖,返HK冇架la!」Ah四成日講!
在地上執到剛掉下來的花瓣
上車後導遊話今年天氣反常,花期延遲了,東京那边4月頭至中已開哂,花期過了,理應這週開到東北,可惜東北呢排仲好凍,4月有D地方仲係下雪,所以恐怕我們行程再入D睇唔到樱花盛開,要睇恐怕要到5月頭了!
再過多個半小時車程,終於到達第一景點-->櫪木縣日光市-->德川家康東照宫(世界文化遺產)
作為德川家康公的靈廟建於元和3年（1617年）。現在的主要神殿是由第三代將軍－德川家光公於寬永13年（1636年）建造而成的。東照宮這座建築物的完成，可說日本具代表性的神社建築式樣－“權現結構”已經有所大成。此外，雕刻、色彩等建築裝飾也都採用了代表當時最高水準的技術。正殿、石間、前殿、陽明門等8處建築被指定為國寶，另有34處被指定為重要文化遺產。
一落車就落大雨,仲要係好凍,估計氣溫得4至5度,睇下路边D積雪仲未溶哂就知有幾凍!
最慘是神殿無瓦遮頭
有傘都冇用,件羽絨都濕哂,好狼狽,咁鬼大雨,影相好難靚囉!開心的心情指數下降中
囉
豐臣秀吉像
五重塔
石牌坊
位於神殿正面,有非禮勿視、非禮勿言、非禮勿聽的「三猿」雕刻國寶
殿內種了許多杉木樹,又要索多兩啖空氣!
,
樹幹好粗,起碼要6-7人才能摟得哂
隨後過隔離便是第ニ景点-ニ荒山神社
作為日光地區山岳信仰的中心，自古就是備受崇拜的神社，特別到了中世紀建造了很多神殿。此外，到了江戶時代由德川幕府新造了正殿和神殿，其中的正殿和神橋等23處建築被指定為重要文化遺產。
這棵是八重櫻,惜天氣太凍,未開花!
這是梅花
神社裏有兩棵出名杉樹--這是親子杉,其實只是3棵樹種在一起
這是夫婦杉--唔明導遊点解叫佢連理樹?响北京故宮後院棵就真係連理樹,人地真係兩棵樹生長到樹幹扭埋一齊變一棵,這裏只是兩棵樹種埋一齊之嘛!
參觀完神社上車,先去吃過lunch,再上車繼續2個小時沉悶車程,繼續不停下雨,心情只有一個字係....呀!大家唔好誤會我响車窗寫粗口,係個《悶》字囉!
2個小時後,即下午4時多便到達福島縣,正式入咗日本東北了,睇下以下幅圖就知了!
跟住返酒店,多麽好,又凍又濕又累最好返酒店梳洗吓!
今晚住在豬苗代 Listel 温泉酒店
房是和洋式,寬敞大間
這邊是和式客廳
另一边是洋式睡床
大舊望住窗外雨景唔知想緊乜?酒店buffet吧!
先來一杯茶暖下身先
6:30PM在酒店享用buffet
大舊最開心是這刻,下面碟細細塊西冷扒係全場hit爆,因為見每枱都有攞來吃,重要是好濃郁牛肉味,不需加調味吃;ah 四吃了4塊,我都吃了3塊,仲有4月當造的草莓,日本的草莓真係好好味,細細粒又甜又濃草莓味,吃了好多粒
自製草莓雪糕批,流哂口水!
魚生唔知点解切成–條條?
沙律吧
大根-日本人最愛
烟燻火腿
各式熱盤
全部都係吞拿魚魚生,一片三文魚魚生找不到,日本人果然是不吃三文魚魚生
這個好得意-->自製手卷或卷物,其實旁边有飯、醋及紫菜比你D.I.Y,你睇下餡料有好多款選擇,真係又食又玩!
甜品都好多款,不過味道得個甜字囉!
其實仲有冷麵、湯類、烏冬、日式咖哩飯及關東煮...好多嘢食,好多團友hea到8:30pm才去浸温泉!
大舊今晚識了個日本女友,叫三毛順子,你地好襯喎!
隻三毛貓係响呢間酒店商場買,成￥3600,不過 made in Japan,大舊一見鍾情冇法la!
最搞笑是Ah四以為自己入錯女湯,佢浸完出來返房話入去男湯時見到有2個長髮披肩的人背住佢在洗身,以為係女人,佢唔記得咗呢度係日本,有好多型男留長髮架!笑死我!
留言列表
