嚴美溪上面有間玻璃趣緻館
所有玻璃製成品都是人手製造,價錢自然貴到飛起!
睇完D相我有衝動找下D食器 figures放出來擺啊!
呢套紅杯要￥367,500,好貴!
嘩,￥86,780–個茶壺???
這個一千零一個水晶熊仔电話繩好靚,想買但係比個女團友捷足先登,好嘢慳番,留番D彈藥明天落東京掃貨好過!D玻璃睇吓影吓相算了。
午餐往淘金館旁的餐館享用豬肉涮涮鍋定食
仲有金箔飯吃
這個是幫襯導遊加餸的拖羅￥6000,本來我冇訂,最搞笑個導遊擺烏龍訂多咗成5-6盒,但又不能退貨,好彩我及其它團友捱義氣幫佢梗埋,費事佢自己賠咁慘!後尾佢唔好意思每組人(有食拖羅個D)送番包蜜瓜朱古力當回礼!呢個導遊都幾大意喎!
餐後往隔鄰淘金館參館
這些全是用純金箔舖成的製品
淘金館出面有個金色牌坊,不過係塗金漆咋!
D sakura又係未肯見人
岩手縣之旅到此為止,下午2時左右乘2個半小時車落宮城縣仙台市參觀
首先到青葉城遺址參觀
仙台城的先後於明治維新及一九四五年的空襲被破壞過，後來經過部份城樓經過重修，現在城堡中心的遺跡上建有護國神社、土井晚翠的荒城之月碑、島崎藤村詩碑、昭忠碑以及伊達政宗的騎馬銅像。其中最受歡迎的可算是伊達政宗這個騎馬銅像。仙台巿能夠發展至今，大部份要歸功於伊達政宗為仙台奠下的基礎。
如今仙台城遺址已成為巿民休憩遊玩的青葉山公園。園內設有青葉城資料展示館，遊客來到這裡除了可以欣賞到由電腦繪圖再現的仙台城完貌，更可以參觀到館內所收藏的伊達政宗遺物及其書
伊達政宗的騎馬銅像
昭忠碑
島崎藤村詩碑
遺城下遠眺仙台市,想說是當日好大風及微雨,D溶雪風真係超級凍,有羽絨加埋件茄士咩都差Ｄ抵檔唔住
下午6点到達仙台中央一番街,大出血時間到了,這裡像大阪的心齋橋,有瓦遮頭好方便shopping!話就話有2小時購物,唔知點解有好多舖頭--agnes b、abc mart及百貨公司等都收晚上7時,比起東京或大阪還要早,所以到8時條街得番D居酒屋等食肆開,幾冷清!
這間賣茶店舖好欣賞她們服務,幫唔幫襯都主動送一杯茶及小吃免費品嚐,我都幫襯買了一包,我每次到日本都會搜購宇治綠茶,因為國內買用的茶葉質素一定好過出口版,香港買個D通常是出口版,無咁香的!
買咗乜?衣、食同藥物都有...都收獲豐富,計吓計吓2小時用咗近￥20000!
今晚dinner享用特色燒烤,不過得一碟牛肉同鷄肉2個人share,配菜係–大盤生蘿蔔絲,生蘿蔔絲香港人食唔慣喎
,結果好多團友放棄呢碟嘢!大丈夫,今晚預咗出去找宵夜吃!
今晚住仙台市的Coms hotel,唔係温泉酒店所以冇乜特別,勝在位於仙台市中心,酒店附近有多間食肆及便利店,方便夜鬼一族食宵夜!
响酒店hea咗一陣,同Ah四出去行吓D便利店,日本D便利店間間又大又多嘢睇,連化品都有!我地買咗關東煮返酒店享用,
望住佢又令我想起re-ment 便利店個set關東煮,個盛器一模一樣
導遊話strawberry最出名是福岡あまおう,音〝Ah媽痾〞
,食完會痾!
我地買了款最平￥300一盒,果然得個靚樣,酸酸的,莫非要買貴D個等級?問過D團友有人買￥500等級,same,一樣係酸酸的!
可能要去到幾千￥頂級才叫甜,我就唔試la!
又諗起D食玩la,攪乜鬼?又真係好鬼似,衰鬼!
題外話:其實果晚dinner真係食得唔開心,唔係食物問題係導遊又出錯:話說當晚8時在仙台一番街某百貨公司集合,然後拉大隊行去附近食肆dinner...我同Ah四8時零2分到達,竟然一個人都唔見,等了20分鐘都唔見導遊 or團友...焦急之際打電話比導遊,佢又飛咗線....再等3分鐘才見到個領隊氣喘喘走番來找我們,佢自辯是數錯人數,上到去食肆安排團友坐低,仲未發覺少了2位,而係有團友提佢才知...咁都得?第3天了,仲未知呢團有幾多人,聽講佢帶團起碼有20幾年經驗,真係老貓燒鬚
!
原來有團友發覺佢唔係每次數清楚人數ga!所以靠自己早D到集合點好過靠佢喎!吓!咁要導遊做乜呀?
好彩之後個2日,佢真係做足功夫,好小心点足人數,仲有係之前咪有碟自費拖羅,佢免費請我吃當陪罪,嘩!成￥6000我慳番了。Anyway這點不重要,起碼佢知錯懂得say sorry及作出改善,我好欣賞!
反而上次福建之旅咗跟果間星級假期,個靚妹领隊又係漏低我地,但毫無悔意，態度差,唔肯say sorry,睇佢都做得唔長囉!係wor,間差勁的星級假期唔知執咗未?呢排唔見有買廣告?
留言列表
