第五天:下雨及寒冷,氣温6℃
唔覺唔覺來到最後一天,真係唔捨得,最激氣成個TRIP落雨落足5天,mooncake!
今天一大早未食早餐6:30am我地走咗去中池袋公園影櫻花相,可惜括大風 + 落雨,D櫻花落了很多,成地花瓣,失望!
東京D sakura 已尾聲了,開始凋謝!
旁边的梅花反而盛開
好奇的大舊
唯有近鏡影,Ah四呢張好美啊!
Sakura ,有緣再見
9:00am早餐後上車,第一景點去田崎真珠,是賣珍珠的公司,即係sell你買珍珠首飾...咁貴梗係冇買喇!
之後出血時間開始,首先搭個半小時車由東京往千葉縣,原來幕張outlet在這裏
途中望見東京鐵塔
車行過了台場的彩虹橋,好多日劇在此取景
遠遠望到富士電視台
中午12:00 到達MITSUI OUTLET PARK 幕張,是專營精品特賣（Outlet）的大型購物商場。在本商場裡各家廠商以特別便宜的價格出清樣品（新産品等的試作樣品）以及B級品（稍微有損傷及髒汚的商品），過季商品（非當季櫃檯販賣樣款）等。
在這裡，可以2-7折的优惠价格買到日系品牌精品，這對顧客而言相當具有吸引力。
這裡的商品種類非常廣泛，不僅有青少年服飾・上班服飾・兒童服飾・紳士服飾・淑女名媛服飾・戸外運動用品，生活雜貨等區域，還有珈琲廳及餐廳等多樣化的飮食場所。
想睇有乜店舖?click入條link: http://www.31op.com/makuhari/foreign/index_tw.html
地方不太大,店舖約91間,但agnes b, levis,adidas,nike,citizen等名牌都有,算 ok架。有冇收穫?手袋+T shirt囉,我地只有個半鐘行,時間太少了!
下午2:30pm由千葉縣返回東京銀座,今天last一個景点是留在銀座3個鐘 shopping,唉!已第3次到銀座,悶!我覺得銀座百貨店太高级唔係咁啱買囉!寧願留在outlet耐少少仲好!
睇唔睇到幅相,個sapporo大廈上的溫度計得 6度,市區都咁凍,該煨!
走咗去鰻登亭食個lunch先,這個鰻魚飯定食成￥1100,lunch來講算貴,果然係銀座區
味道ok,未致於好好吃,條魚較多碎骨,志在天氣凍有飯氣落肚暖D嘛!
食完走咗去和光百貨行,冇收穫,佢地今期橱窗係花主題,春天嘛!
跟住行咗幾間大型百貨,想說是相比起早幾年,家吓所有銀座店舖多了很多大陸客消費,見佢地買到一袋二袋咁,佢地D消費力好強啊!但係呢D同胞話就話好富貴,但係依舊冇礼貌、愛打尖,通街大大聲說話,去完toilet唔沖水、唔洗手...着到身光頸靚有鬼用,真係失礼!
明知點解join團去東京一定田崎珍珠同銀座,可否取消這兩個景點?
行程到此結束,是日乘搭8:45pm机由羽田機場返港,到港已是零晨12:05分,真係冇花冇假,玩足5天!
日本確實是一個極之好玩的國家,已去了6次都不厭倦,就算再去多10次都不厭!只可惜日圓高企,消費高,弄到我見到許多東西齋睇不敢買,真係有辣有唔辣!
-完-
留言列表
