第ニ天:天陰有雨,氣温21-25度
今天早餐後正式入世博園了,入園最好載乜?事先準備一一為你數
1.帽子 2.雨傘 3.扇子 4.小毛巾(洗臉) 5.可摺叠椅子(可入場前買,￥10張,排隊起碼2小時或以上,一定要坐下) 6.水杯(不可帶水入場,不過也可以買水飲￥4枝,因為我覺得場內水机D水有怪味) 7.消磨時間的東西(小說,遊戲机,零食等) 8.紙巾(厕所有厠紙提供,不過人太多成日比人用哂)
旅行社提供了每人一個水杯,真細心,但我冇用到
因為是跟團,所以我們要在團體專用的停車場下車,然後行去世博團体專用入口,經過安檢(似飛機的安檢,要過X光機),才可以入場。
團–般只逗留10am-8:00pm(10hrs)參觀,跟住跟旅遊車走(不過可以選擇自己乘車返酒店),但今天導遊好人,比我地留到10点pm,多了2小時玩!
這是團體票,一日用,不設同日再次入場服務,即是不能中途離場
話就話10時到會場,但係單是由停車場行去安檢入口也用上20分鐘,跟住排隊過安檢,仲要導遊一定要帶我地乘環保車往園內B區,做乜?
就係帶我地認住集合点,仲要花時間講解幾點集合同搭セ車及边到落車往集合点,因為今晚6:30一定要齊人往中國館參觀(跟團好處是幫你預約一個大館,今次約到中國館,好運)
集合点就是這城市人館對面的車站,就係咁搞下搞下成早上10:50至解散,
因為得2日參觀,家下已11:00am,仲要夜晚6:30集合去中國館...一定要plan下点玩法,但係好多想睇的熱門館已大排長龍,所以要揀D大館人龍郁得較快的排,最好揀D每次放幾十人入去,可能排45分鐘至1小時已ok,個D每次只放幾個人入去的,分分鐘排2小時或以上,好哂時間!
我地的玩法是早上叫冇咁多人,先玩2個人龍郁得較快的大館,lunch後開始執D死鷄館(即不用排隊或好快入到場個D館),6:30pm後去中國館,咁就一日可以睇多D館!
未睇相前,睇下今天我去過的館
比利時館-->英國館-->非洲联合館-->突尼斯館-->阿爾及利亞館-->安哥拉館-->利日尼亞館-->利比亞館-->立陶宛-->城市人館(主题館)-->中國館-->斯里蘭卡館 (共12個館)
1.比利時館(C區)-歐盟館溫和、冷靜的建築外觀與新奇、迷人的內部裝修構成對比。展館主體採用「腦細胞」 的結構，「腦細胞」神經元的靈感來自於比利時豐富的科學和藝術成就，以及作為歐洲政治中心之一的地位。展館正面外牆將採用透明玻璃材料，另外三面外牆將采 用封閉式金屬板外牆。展館共有兩個入口，一個是比利時展區的入口，一個是歐盟展區的入口。
「腦細胞」也寓意著比利時作 為歐洲三大傳統文化——拉丁、日耳曼和盎格魯-撒克遜文化——的彙聚地和交匯點所扮演的重要角色。
排咗45分鐘,館外有呢幾隻星星攪氣氛,排隊冇咁悶!
入場前每人贈一片比利時曲奇
入去,先講欧盟歷史和目標--首先，比利時-歐盟館將是一個生機勃勃的時尚展館，展現比 利時以其友好的投資環境構成的理想居住地。
3D电影區呈360度,介紹比利時的日與夜
名人榜
科技區
太陽能汽車
未來理想綠色城市--太陽能 solar house
現場還可以品嘗享譽世界的朱古力,
過要下午3:30才有試吃,所以齋睇無得食!
原來藍精靈是made in 比利時
手錶都好出名
現場有Godiva朱古力買,不過好貴,返ＨＫ都有得買喇!還有 coffee shop,啤酒區及米芝蓮比利時vip餐廳,不過要趕去英國館冇幫襯啊!
2.英國館(C區)-排了個半鐘啊!
身為首屆世博的發起國,英國館設計,再次證明了他們的開創性十足!
當各國家館幾乎都竭盡可能地把展館的每一吋土地善加利用時,它卻好整以暇地,把超過60%的展館面積,劃為開放的公園區,讓遊客恣意的散步休息!點解要留下大片公園廣場?原來是英國人想强調在擁擠的城市中,理應留下–片花園與綠地,才是真正的切合今屆世博主題「城市使生活更美好」。
好彩停了雨,綿羊加菲可以坐在草地上休息下!
而僅用剩下40%不到的面積,弄了個『種子聖殿』,不過卻是園區中最搶眼、最有心思的建築之一!有人話似蒲公英,鮑魚刷,我就話似大陸佬D平頭裝
用上6萬根透明"亞加力膠"細柱,各長達7.5公呎,大風一吹會隨之搖曳
種子聖殿入口
裏面セ都冇,只有巨大的種子牆,形成莊嚴氣勢。
原來六萬根透明"亞加力膠"細柱底部,都嵌藏入各式各樣種子
這些種子由 London Kew's Millennium Seed Bank 及昆明植物研究所提供,為何把種子當聖殿?許多英国科学家都投入綠色研究,從最新藥品到未來新能源,都有可能從一粒種子裏萌芽!
用綠草砌成的London地圖
戶外城市展區--典型的英國城市模型高掛倒懸在屋頂,強調什么樣建築,能讓大陽灑落,空氣流通,使城市與自然共生!
玩完以上2個館也用上3個半小時,下午2:30才 Lunch,實在又餓又累,对自己好D,走去西班牙館旁的西班牙餐廳食D地道西班牙菜!
Pedro Larumbe(佩德羅餐廳)-傳聞主廚是佩德罗·拉隆貝(Pedro Larumbe),于1984年獲西班牙国家美食大獎，是當今西班牙餐飲屆最傑出的代表之一。
就試下有幾巴閉!這個西班牙海鮮飯($85)好細碟,咪睇佢其貌不揚,其實每啖飯都吃到許多海鮮肉,總之好食到10個讚,依家仲回味緊,呵呵!
西班牙土豆蛋餅($85)--即是薯仔蛋餅,是西班牙鄉村的家常菜，材料(用雞蛋 、薯仔 、洋葱 及橄欖油等做成)和做法都很簡單，但卻出奇地好吃。
仲有多款小吃,可惜這2款已很飽,加上要爭取時間睇其它館呢!
第二天待續.....非洲區
留言列表
