行完「清水寺」,嘩!成一點半點,拿拿淋諗住去「祇園」行街食 lunch,點知又被途中的商舖吸引住...
這邊舖頭比朝早上去「清水寺」的那邊更多,好多呢D 三角形草餅買,是京都特色
宜家越出越多款味道,咁多嘢睇連肚餓都忘記了,好彩早上個早餐好飽肚,加上呢間仲可試食到飽,仲有綠茶任飲,都唔肚餓囉!
食完買完草餅,再向前行,旁邊會見到有呢條小路,叫「三年坂」又叫「產寧坂」
沿呢條路可以通去「祇園」及「八坂神社」,雖然要行幾耐吓至到,不過我建議行,因為這裏風景更美,這裏比祇園出名的「花見小路」靚好多!
這裏都是古舊房屋,家下裏面冇人住,變哂手信商舖、京瓷器、同高檔食店,主打京色料理。
這人頭標誌的化妝品產自京都,好出名,京都週圍都見到佢蹤影,不過好貴啊!
產品出名係吸面油紙
阿四又駛出佢攝影技巧
一班着和服遊客企定定比我影相,着和服遊古都,好有feel!
呢D 叫茶屋料理,好吸引!
行落去便到「二寧坂」(二年坂),美景繼續...
偶然遇上一班藝妓,去開工?
D和服真係好靚
行完「二年坂」、「三年坂」,感覺真好,好像時光倒流,返咗去古都!我已完全愛上京都了!
跟住行咗成 15 分鐘,中途响便利店食了串關東煮,去到「八坂神社」都成下午四點幾
要趕日落前影相
入口「西樓門」
神社地方不大,但內裏五臟俱全,好多大小神社
「本殿」
「舞殿」
行完「八坂神社」,已 5:30pm,神社對面便是「祇園商店街」。
入黑好快,影唔到「祇園商店街」,夜景喇!
又係呢間化妝店,入咗去睇,太貴唔捨得買
商店街旁邊呢條「花見小路」一定要入去逛
江戶時代留下來的古舊建築,盡是茶屋、料理、及睇藝妓表現場館。
响e度閒閒地食餐飯都要成千銀港紙,我唔會食e度,留彈藥買嘢嘛!
差不多到祇園商店街盡頭,發現呢間「壹錢洋食」
門面好怪,盡是古怪不文裝飾
「壹錢洋食」實為 80年代在祇園興起的「喜好燒」店,屬京都粉物一員,有別於大阪燒餅
這裏只供應一款食物,買¥630
燒餅包住九條葱、櫻蝦乾、芽菜、竹輪、蒟弱及半熟蛋汁,幾惹味
其實店鋪除了性話題裝飾,仲有好多懷舊裝飾
仲有店舖自己的模型
仲可以邊食邊參觀店內其他,莫非老闆又係鍾情微縮情景?
呢間係睇藝妓表現的場館,我估= 响 HK 睇大戲咁上下喇!
再向前行一陣便過橋,條橋叫「四條通橋」,下面條河叫「鴨川」,條橋好短,行一至兩分鐘便走完。
過橋後到達「河原町 烏丸通」,這裏同祇園商店家完全唔同,多名牌店、百貨店,新派 cafe!
認住「新京極」呢果入口,往「錦天滿宮」、「錦市場」及商店街都响呢度進入
本來想行「錦市場」、坂本龍馬故居等景點,可惜已晚上 7點幾, 「 烏丸通」呢度D 市場同商店街大部份已收舖...咁早收舖...呢方面HK就優勝得多喇!
行咗陣舖頭,跟住行去「錦天滿宮」參觀,
原來之前森美小儀節目「千奇百趣」提過嘅 「鳥居插入屋」奇景就係响呢度,大開眼界!
「錦天滿宮」是供奉「學問之神」菅完道真
唔怪得之夜晚都仲有學生响度拜神喇!
大舊又搞搞震,隻牛係天滿宮神獸「卧牛」
再行咗陣商店街,約 8:30pm 見到呢間家庭式經營燒餅店專買多款大阪燒餅,來到關西一定要試出名的大阪燒(日本叫喜好燒)!
我地 order 咗一個特大(17吋)的豚肉大阪燒,大阪燒餅同東京燒餅唔同,師傳响佢自己鐵板上先弄好果燒餅,佢哋唔比你自己弄 ga!
師傅好怕羞,我拍照佢即刻彈開,呵呵!
呢個就係特大豚肉大阪燒,¥800咋!師傅弄好後就放上我地面前個鐵板保温,我地只負責塗上燒汁、沙律醬、葱花同木魚碎
好好味,燒餅入口即溶,一D 都唔粉,响日本求其入一間食肆食嘢都係咁好味!
(又玩 re-ment 先)
响日本大部份食嘢有規矩,就係若進店舖食,一定要一人 order 一樣食物,不可一個人只叫一樣同人 share來吃,呢間都係,初初諗住只叫一個大餅 share,點知都要我地 order多一款,咁求其叫杯綠茶刨冰囉!¥300
我地慢慢食, hea 到差不多 9 點半才搭車返大阪。「 新京極」條商店街旁邊就正正是「阪急火車 河原町站 」的入口,超方便
買咗通行特急券¥390,這程是返大阪「梅田」的快速急行列車,嘩!半小時就返到大阪,仲快過我由旺角搭地鐵返屋企喎!
話咁快 10:00pm左右就殺返落大阪梅田總站,我地沿住指示,穿過地下街
由阪急梅田車站行去搭地下鉄(御堂筋線)返心齋橋
今天响京都的戰利品,圖中把雨傘是京都限定,櫻花圖案,¥525
最喜歡這個微型招財貓,陶瓷做,才¥380,可以加入re-ment 做場景!
這個made in Japan 的和式印花袋 ¥1700,好有京都味道!
文章標籤
全站熱搜
留言列表