close
終於找到車搭，下一景點是「今昔館」，在東梅田站搭谷町線(紫色)
向大日方向，在「天神橋筋六丁目站」下車
3號出口
個館就在地鐵站上蓋，方便。
今昔館-- 10:00am- 5:00pm (星期二休息，每月第三個星期一休息) ￥600 (有 pass 免費)
呢果館同大阪歷史博物館有乜分別？ 咪除咗睇，仲有得玩。
玩乜？玩穿越時空，親身回到江戶時代的大阪
呢層全是一比一街景
街景還會由白天轉黃昏，再轉夜景，過癮。
仲有電腦效果，煙花景。
可以免費借和服玩，仲幫你着埋，不收分文。
著住和服响古代街道遊玩，有 feel!
仲有電腦效果，煙花景。
可以免費借和服玩，仲幫你着埋，不收分文。
著住和服响古代街道遊玩，有 feel!
可惜冇啱大舊size的和服。
好似日劇「螢之光」個亭園景。
呢度係茅厠
廚房
水井
大浴場
玩完時光倒流，落一層參觀近代大阪。
呢度又有好多好靚的模型睇-- 以模型介紹明治～昭和近代大阪的住宅及生活模式。
阿四影模型的確有一手，呢批相好用心去影，隔住玻璃都影得咁靚。
今昔館D機關好先進，相隔一段時間，，上面1:12 街景模型好似升降機咁自降落下層，跟住降落來個層就會係呢D顯示生活模式的模型，似re-ment size ，嘩！大開眼界。
呢 part 係紙板模型，昔日的心齋橋。
昔日賽艇
玩完今昔館，5:00pm了，跟住走咗去天王寺站附近找玩具店，不過唔之係咪冇開門定係執咗笠。
咁就折返搭地鐵去惠美須町站，去今晚last 個景點-- 通天閣
通天閣位於天王寺，新世界區域，除了出名的通天閣，仲有四天王寺及動物園，又係一日玩唔哂。
响地鐵見到呢廣告， 亀王拉麵，九州出名，今晚又想食添，好，一陣去幫襯。
6:45pm至到，天都黑齊，經過這入口，兩旁是商店街
太黑了，好難影個塔，呢果就係「通天閣」，初建於1912年，後二次大戰被毀，至 1956年重建。除了天守閣，這個也是大阪地標。遊大阪必到。
通天閣 9:00am～9:00pm, ￥600,有 pass 免費。年中冇休。
搭 lift 上 5/F 展望台，架 lift 頂顯示 「Billiken 神」 螢光圖案。
5/F 觀景台，360度全方位俯瞰大阪市，夜景(日文叫吔茄，哈哈) 唔錯噃，不過唔及HK 。
講番 Billiken 神像，是通天閣守護神，佢原創在美國， 1909年流傳至日本
拜佢，你D 姻緣呀，學業事業乜都好。
據說摸佢腳板便帶來好運，唔怪得比人摸到蝕哂。
￥100 壓了一塊銅牌仔留念。
落一層 4/F ,設坐椅，D燈又好暗，是偷情聖地 ( I think)
2/F 有商店，模型睇，以前(1910年)附近原來是遊樂場。
用全冷毛織成，好巨型，犀利！
Billiken 比人惡搞造型，好好笑。
呢果咪係 billiken 阿四版??? 扮得好似！
玩完通天閣，好肚餓， dinner time，知道呢區最出名食串炸(除了章魚燒，喜好燒，串炸都係大阪名物)。
通天閣附近呢間食串炸裝修唔錯噃，們口有好大隻 Billiken 。
裝修又係大玩懷舊。呢區入夜後冇乜遊客，間餐廳除了我地全是日本人，佢哋多數一路吃一路又煙又酒。日本D食店仲可以食煙，HK呢方面比較進步喎！
串炸，把各樣食材串起，蘸炸粉炸，唔係串燒。隔離盤汁醬會比下一枱客人 reuse，所以每串只可蘸點一次便吃。嘩！如果上一手冇公德心，咁咪食人口水？ uuuhh...
碟生椰菜係清熱氣，不過就咁生吃又硬又苦，真係唔明日本人乜都可以生吃。
D 串炸平均￥100～￥500 一串不等，我地平平地叫了五串吃，好似有魚，雞，南瓜等。 ok喇，唔錯，粉漿不太厚，叫做食過喇，留番個肚食拉麵嘛！
最後一晚在大阪，都係最想食多一次拉麵，目標係呢間--亀王拉麵
响九州係名店，分店遍佈全日本
呢碗元祖豬骨湯底拉麵 ￥ 620，好食到震，湯底好甜，好好飲，叉燒有兩大塊，又厚身又入味，麵條又爽。 什麼金龍，四天王，一蘭都要行埋一邊。
你地有緣去日本一定要試食呢間，食過咁多間最好味係佢。
嗱嗱嗱！正宗日本煎餃子就係咁嘅樣。見個師傅係即席煎，所以要等一陣才有得食，我比 100 滿分，煎得好靚，金黃色。
太好味，再叫多一碟至夠喉，(日語 more e 雞 = 來多一次)
食到 9 點幾，才慢慢搭車返酒店。今晚要執行李，明天下午便要返港了。
文章標籤
全站熱搜
留言列表
