Day one- 2013-04-15(Monday) 天情温暖,大慨 15-23度
今次東京之旅原本是2011年去,不過當時遇上311地震和核電廠爆炸,唯有取消行程,之後東京自由行價錢下跌,今次透過永X旅行社買機票連酒店8日7夜2人HKD12621,乘國泰航空,酒店是新宿歌舞技町附近HOTEL WING INTL,如果是當年可能要$14000左右。
坐凌晨一點國泰 CX524 機去成田機場,所謂飛機餐只有糕點,唔知以為自己坐香港航空
到埗時約日本時間6點幾,但遇上大批由美加過來的旅客過關,用接近一小時才出閘,之後乘扶手LIFT落一層坐NEX快線出市區。
遊客可到人手售票處買套票,每一人JPY5500,包NEX火車來回東京至機場及一張SUICA咭,咭內含JPY1500面値及JPY500按金,SUICA咭等如HK的八達通可乘電車or 便利店買嘢比錢用。
http://www.jreast.co.jp/tc/suica-nex/
留意退咭時會收JPY210手續費,所以要用盡咭內面值,零面值仍退按金JPY500就不用扣手續費!
一程NEX車程等如JPY1750,雖然比京城電鐵貴,但勝在有指定坐位坐同埋直達新宿,即係搭Nex似搭頭等火車咁
。如果搭京城,可能冇位坐及只到上野車站,要轉山手線去新宿,我地怕麻煩。 (記得根據票上指示坐車,3号車 1番A席是指--->去列車第3號車廂,坐第一行第A個位)
售票處有顯示牌列出班次及目的地。我地搭7:47分車 No.4號車。
架車外表真係好有型。認住呢架車,唔好上錯車,因為鐵路是比咁多間列車公司共用,會有多架唔同公司列車埋站!!
行李可自行放上行李架。
其實NEX不算多人坐,好多吉位,坐位又舒適,又有枱比你食嘢,除非經常往返日本,咁耐至去一次trip不要難為自己。
9:40am到,車程約一個半鐘到新宿,於東南口離開有扶手LIFT搭,其他出口要提行李上下樓梯。
轉左沿住 lumine Est店,往歌舞技町方向行。認住前面有個青山洋服廣告牌。
前少少有個東口站,如果搭 Nex,由呢個站出還會近少少,不過唔健議,因為冇電梯上地面,要得樓梯,如果拖住行李好唔方便。
途經對面是yodobashi,有電器,手錶,玩具,化妝品,好多嘢睇的。
繼續前進見到馬路對面係百果園,過馬路,沿住百果園條街入去。
再過馬路便見到歌舞技町招牌。
穿入去小巷揾到松屋再轉左。
見到呢間嘢,唔....新宿好多呢類地方。
間野對面是呢條巷,望到盡頭啡色便是 Wing hotel
門口要搭LIFT上3樓才是大堂,因為咁早未可以check in,所以先放下行李同編配好房間。
大家放心日本治安好,歌舞技丁區雖然雜,但都安全的,同埋呢間酒店其實勁多香港人住,所以連reception都有個香港人長駐這裏,唔怕難溝通。
即刻回去松屋食早餐,有不同定食選擇。
我們選了¥390 set,在飛機上只係食好少嘢,要在松屋食飽D。
11:10am,跟着去新宿御苑,因為見好多BLOG友話由酒店行去要25至30分鐘,所以搭地鐵。
www.env.go.jp/garden/shinjukugyoen
乘丸之內線2個站到御苑前站。
呢個方向搭
出咗站是馬路,見遠處有樹,斷估地向該處行。
當時心想應該是御苑外圍。
呢度有住宅,環境不錯又清靜。
行了一大段路,終於找到入口,當時心想行過來真的要半小時。
櫻花月份,當然要收入場費。
¥200一位
園內風境好靚,細心欣賞。
今年櫻花早開,雖然已四月中,但仍有櫻花睇。
不過到了尾聲,剩下約二、三十棵仍開櫻花的樹。
阿四在樹尾,入左鏡都唔知。^^
當地仍有不少日本人席地賞櫻。我們也嘗試席地,但原來草地勁多好大隻螞蟻,嚇死我,乜日本唔係應該好乾淨??
應該係樹王,超大,樹身粗黑,好靚!
此處櫻花品種十分多,有早開有遲開,算是一嘗心願。
此棵是吉野染井櫻,白色的。
大舊行咗好耐,要休息一下。
有小休亭坐下。
小賣部有櫻花味蝦餅。好好味¥500
又有櫻花味雪糕。¥300
冇乜特別,有D揾笨。得個甜字,冇花味。
大舊近距離賞櫻,好招積。
奇怪是四月份還有紅葉,這裏秋天來,紅葉一定靚。
待續....
留言列表