續第2日...
15分鐘車程，「菓子屋橫丁站」下車。
呢度令大眼想起 re-ment 及 megahouse 套馱菓子屋喎！
好多懷舊零食，我地第一次見。
通街好多呢D,買了一袋，應該是膨糖之類，脆卜卜，空心，不過唔好食，冇味。
呢個只有「川越市」獨買，裏面加入蕃薯的洋羹，好香甜蕃薯味，必買。
點解加入番薯？因為番薯是「川越」名物。
這是「川越」另一名物，黑糖製成的大黑棒，通街都有買。
有d似我國文間的麵粉公仔
滿街都是馱菓子店，一間接一間。
大舊也看得入神
「川越」的番薯是名物，炸番薯條必食。
七色夾糖，有像波子大的「大玉果汁糖」，每100克買￥５００，貴，但一場來到我都夾了包。
鐵皮玩具
滿街都有這些小小櫻花樹，近望原來是掛上一粒粒粉紅色糖，有心思。
這裏的番薯味雪糕好人氣，一定要食。
玩完菓子街，再行過隔籬條街，便是「一番街」，是整個「川越市」最具江戶味道的大街。
呢間係賣茶葉，門口噴出好香的茶蒸氣，喜歡日本茶的不妨睇吓。
呢間「布遊舍」賣和式布娃娃，有獨有「番薯小姐」賣。
布造環保袋美觀又實用。
番薯是「川越」代表性食物。
其實D公仔幾貴，買唔落手！
反而雨傘買得過。
「一番街」後面是住宅，居民過住平淡生活。
這是大家住宅
用了四年修復，它已是一番街裏重要的文化遺產。
裏面有江戶小飾物，二樓是資料館。
又有盛開的櫻花看^^
呢度係展覽古時「川越市」節慶，但要收入場費。
門口影下相算，我地喜歡行街shopping
肚餓可以來此處揾食。
龜餅，係咪食左會長壽？
川越時之鐘模型
我認為去東京凈「血拼」太齋的話，一定要去川越一次。
黑漆漆的倉庫構造建築物是江戶時代耐火性什強的設計，99年被選為文化遺產。
呢間是古代煙草店資料館，收費￥100，當時唔夠時間睇。
只欠穿和服的女仕在街上。
川越另一地標是時之鐘。
由於經歷多場大火，現時已屬第四代，但仍保持江戶年代樣貌。
此鐘已有400 年歷史，現在內餡換上機械裝置，每天上午 5,12 下午 3, 6時都會响鐘。
高16 米，估計當時最高建築物。
認住呢部巡迴巴士
原來時之鐘屬於一間神社。
是一間迷你神社。
旁邊是賣另一名物，豆沙加番薯饅頭。
熱辣辣又好好味！食完飽了一半，今日食好多番薯，要放X!!!!!!!
肚餓行到一間不起眼的食店。就在時之鐘附近
裝修平實。
招牌食品就是呢兩樣。
叫了個一人set + 餃子一碟 share 來吃，叉燒拉麵及炒飯裏都有蕃薯。
同埋必吃紫色皮餃子。皮係用上紫蕃薯搓成，咬落皮薄餡靚。
隻隻餃子塞滿餡，除了菜肉，還加入番薯蓉做餡，好味到暈！！
估唔到兩樣食品真係好得，又唔貴，特別推介！
之後行到一間KITTY專賣店。
KITTY迷見到會發狂！
好彩我們迷嘉菲，如果唔係就破產！
其實條一番街都幾長。
仲有大正時代歐式建築物。
呢間賣陶器茶壺。
迷你陶器，想買，不過都幾貴，最平要￥500,最貴要￥1000
阿四鍾情買箸做手信呢！
這裏店舖好早關門，大部份下午五點至六點關門。
行到此處見到前面冇乜舊樓，加上已接近黃昏，四點幾拆返回坐穿梭巴士。其實沿呢條街直行是可以返回西武本川越站，
只想坐多一次呢架巡迴車^^
揸巴士的是女人，早上去程也是她駕駛，要一邊揸一邊講解景點，辛苦哂！
中途經過川越城本丸御殿，冇時間睇。已關門。
返回本川越站，去了車店旁的西武百貨行，裏面有間 GU 店，似H&M or uniquo，買咗平衫褲及袋。
再去樓下超市，食品比東京平，買了杯麵，福岡草莓當第三日早餐。
回到新宿已經晚上8點半，把戰利品放回酒店，再出去行街揾嘢食，好多商店已關門。我地行了一陣電器店 Labi
本來想揾近歌舞妓丁的金太朗井食魚生飯，原來已經結業了。
晚上10:30pm才去一間烏冬連鎖店食晚餐，價錢平民化，平均消費四、五佰日元，味道好好，烏冬夠甄un,好多年青人幫襯。
可另加炸物。
加了薯餅及花枝天婦羅。
第二日手信:-
在川越買了茶葉和茶壺，茶葉￥525。
茶壺￥1260，手工精美。made in Japan
買了好多懷舊糖果，大眼為影相用。
三包豆左至右是綠茶咖啡￥600、柚子￥480和芝麻豆腐味￥600。
於時裝連鎖店GU買的衫褲。￥5050
日本新出扭蛋，貓貓瞓覺！￥200
第二日完
待續..
留言列表
