Day two- 2013-04-16(Tuesday) 天情微涼，大慨 13-20度
今日打算去東京週邊地方看看，講真玩八日冇可能淨玩東京。
以前跟團去過箱根，富士山，今次自己行一定找些團不會去的地方，打開地圖，就揀了東京對上的「埼玉縣」，個度有個「川越市」，傳聞保存了許多江戶時代古建築，我地好有興趣。
遲左起身，成早上8點至去「松屋」食個牛肉飯早餐。
去「川越」點搭車，好簡單，就在「新宿太子酒店」，個度地下有個叫「西武新宿站」
在這售票處可以買到往「本川越 one day pass」
每位￥1280, 包括來回「西武新宿站」及「本川越站」的火車票，及任搭「川越市」裏面行走的「小江戶巡迴巴士」一日乘車證
我地搭 8:26分開出的火車
車內掛滿「埼玉縣」的景點推介...原來「秩父」有芝櫻睇，不過阿四話開在地上的櫻花不及樹上的美，唔打算去。
這是急行車，大慨上午9:27到達「本川越站」，約一小時車程算快了。
這是「本川越站」，隔籬有商場，裏面有間「西武百貨店」。
「川越市」不是太大，應該一日可以去哂所有重要景點。
奇怪是呢度氣温比「東京」涼，我着唔夠衫，百貨店又未開門，我唯有在 Family Mart 買了件無印底衫穿在裏面，冇錯日本的便利店真係便利，底衫都有^^
仲有是去咁多次日本，未試過食菜肉包，買一個試食，結論是....得個樣，.香港的飽點冇得頂！
哈，食包比人趕，原來日本便利店係不准飲食！！！
剛巧遇上架「小江戶巡迴巴士」埋站，我地即是上車，好迫人，要企冇位坐。
認住呢架老爺車，有紅藍綠三架唔同colour的車行走「川越市」裏面多個景點
上車唔駛入錢，只要出示回程的火車票便可任搭，因為我地之前買左 pass包埋
「中院」位於「喜多院」旁，是「河越茶」及「狹山茶」的發祥地，但現在沒有種茶，春天反而開滿櫻花，所有前來碰碰運氣。
可惜今年櫻花早開，呢度都落哂咁濟，得一兩棵....
如果盛開一定很美。
原來櫻花近尾聲，日本叫「葉櫻」，有另一番美。
庭園好靚
中院裏面好細，唔係櫻花時節可以不來。
大舊又擺pose。
離開「中院」走了一陣，見到「中院」後面有棵死剩種，嘩，好大棵，還盛開中，好嘢！
我地沿住街路走，兩旁全是住宅，好靚的金字頂屋，比間我就好了
「喜多院」有一千一百多年歷史，由「慈覺大師」創立，院內多珍貴文化遺產，是「埼玉縣」的名寺院。
在院內參觀是免費，但如果想看文物而進入客殿，書院，庫裏，慈惠堂及五百羅漢，要比入場費。
我地冇興趣比錢參觀，只在外拜神，影相。
咁遠來到，大舊都誠心拜佛。
「慈惠堂」，是本堂，供奉着「不動明王」
門外拜神不收費的。
「多寶塔」，江戶初期的傳統建築。
約11:45，我地在「喜多院」門口，趕等巡迴車去下一景點
等了15分鍾，才有車上><
今次等唔到老爺車，呢架照上。
第二日待續....
留言列表
