ay Four- 2013-04-18(Thursday) 天情稍熱，晚上關始大風轉冷
早上7:40am, 今天要去「新宿西口」搭都營地下鉄，去「築地市場」參觀同埋食魚生當早餐。
西瓜咭用到第四日開始乾塘，要增埴
好簡單，照指示做便可。
大家留意「大江戶線」是P字形行走，在「都廳前站」可以轉方向行，我們在「新宿西口站」上車，「都廳前站轉車」，方向往「築地市場」。
到「築地站」找A1出口，去到時已經聞到魚腥味。
築地好大地方，易迷路，要弄清楚邊度係場內場外市場
出口轉右手面
向前行
會見到呢個出入口
行入去
經過一些貨倉批發店
有用來運魚的電動車。
呢D運貨車得築地獨有，好特別。
再行入去便見到多條橫巷，這裏多食肆，商店
來到已經見到大大舊的玉子燒，呼喚我地去食佢
好多不同口味
我地平平地買￥100串，最基本味，嘩，熱騰騰，又滑又香蛋味，香甜，HK食唔到，必食！！
大舊又唔放過玉子燒！
仲有好多壽司魚生有關的週邊產品買
也有實用東西賣，好似有水靴，拖鞋。
日本賣魚勝T恤。
水靴款式比較平實。
呢D係一比一模型，成堆放真的一樣
哈哈，模型來的
要買日本食材，「築地」一定最齊，點只食魚生咁簡單。
其實唔只有魚，仲有蔬菜賣。
關於料理的書又有！不過唔識日文。
似唔似re-ment 套蔬菜店？
應該是史上最貴鮑魚刷，￥945
一個
鋒利無比的劏魚刀具，不能用10蚊店的相題並論。
仲有好多日常雜貨，連茶葉都有。
碗碟筷子最受鬼佬遊客歡迎，唔知佢地識唔識用筷子？
和果子都有，不過日本甜品多數偏甜，冇乜特別。
我地買了二個吃
場內市場有好多食魚生的店鋪。
其實大家的食材也是從後面魚市場送來。
唔明點解呢間「大和」咁多遊客排隊，浪費時間，呢個場面相信一個鐘左右才到。
好簡單，因為本本旅遊天書都幫佢買廣告，也可能是比錢D旅遊書買廣告......廣告效應，果然強！
(全部是香港人排隊)
我們是但揀呢間食。
其實間間都是新鮮魚生即叫即劏，吃落冇分別。不要浪費時間在排隊上。
1900YEN已經有哂想食的海鮮。
呢位師傅幾靚仔呀，有D似「阿部寬」。
魚生飯做早餐，我認為來東京玩必定食一次，但無需盲目跟風去果一、兩間。
唔食得生嘢仲有其他選擇，冇人會空肚離開築地！
睇到流哂口水！
串燒三兄弟，草餅.....可惜食飽了！
門口出去有間蚊型神社。
好細間，兩分鐘睇完！
對住神社的就是場外市場。
呢部份專買鰹節，即是木魚碎。
真正場外，已經離開咗魚市場，其實仲多嘢賣。
如果買舊木魚返香港都唔知點煮？
銀包內鈔票就快用完！
太多店鋪行極都未完。
我地想找鰻魚同蟹。
有店鋪比遊客睇點樣做玉子燒。
呢邊都有多間玉子燒，有好多款式同味道，大開眼界。
在築地買了少少嘢，筷子幫同事買
在築地買了少少嘢，筷子幫同事買
11:00am喇，要走，築地咁大冇可能行得哂！我地要趕去「台場」玩，買左好昂貴的蒲燒鰻魚外買拿去「台場」食。選了￥2000的份量，貴貴貴......都要試！
温馨提示，行築地，一定是最好大清早六七點去，因為大多食店，市場只營業到中午至下午二三點不等，要做 early bird 呀！
也提提大家，築地市場應該會2015年搬去其他地方，新地點未知，有興趣去築地盡早去。
跟住去「台場」，由築地坐一個站到「汐留站」。
到左「汐留」再轉坐無人架駛架空電車往「台場」。好方便
往「台場」車資都幾貴，要300幾YEN，不過可以睇風景。
來到月台喇！
呢條駕空線列車得四節車廂，好易冇位坐，不過好快到。
「台場」站落車，行七分鐘左右到DIVER CITY，沿途見到「富士電視台」。
有天橋直入！
其實DIVER CITY是大型購物商場，只是利用「高達」做宣傳。
http://www.divercity-tokyo.com/en/
「高達館」在diver city 裏面 7/F
跟指示行
途中經過保齡球館等...
呢度係入口
閒日去，好靜，冇乜人，好快買到票
￥1200一個人，兩個￥2400，巧貴！ open daily 10:00am -22:00pm
其實個館地方細到一眼見哂，￥1200幾揾笨！
呢度可以比你揀角色，一齊合照
其實只是咁，似唔似在車站D燈廂旁影相！！
場館中央有舊「太空其地」，近睇有微型機動戰士。
大舊手短脚短學人揸高達，開關制都摸不到！
最矚目係呢個半身像高達，原來有條通道，可以行入去駕駛室影相，好型喎！
不過要另外付出￥2700@，嘩！我估要真係好迷高達才會走上去影，我地更系.....唔會喇！！
另外一個入口，係睇高達 3D 短片，呢個就不用另外比錢，忽然感覺冇咁蝕桌！
呢個螢幕呈現圖共形。似香港太空館個全天幕！
由於播放影片期間不准拍攝，冇相睇播乜，開頭會有個靚女走出來，介紹下呢套短片，連埋睇片大慨20分鍾左右
套片短就短左d,不過後面打到飛起，D效果好立體，超正。
睇完片，館裏還有其他角色介紹，好詳盡！
識睇日文就掂
好彩還有一個，「機動戰士 UC 展」。
這是期間限定展覽(現已完結), 2013. 2/ 1 to 2013 .4/18
展出高達UG手稿
人物角色
有片睇，冇中文字幕
走出收費館，出面是有一個小型展區，這部分是無料。(免費參觀)
展出超過1000件由 1980年開始發售的高達模型。
另一面是售買紀念品。
好多只是 Diver city獨家 專買品。D扭蛋款出面冇！
diver city 高達模型
連運送，點樣裝嵌diver city門外 的巨型高達，模型都有出，日本仔的生意頭腦不簡單啊！
這部份好特別，高達有時裝便服產品出
行完高達館，途經商場diver city台 紀念品專門店，位置 2/F shop 2060，好多東京特色手信買，荷包又出血喇！
大舊個樣好為食啊！！
我地買了這no.1 人氣手信，草莓大福，得個甜字，哂氣！ ￥525
還買了江崎復刻版百力滋(glico)￥525
glico台場版七色彩虹Giant百力滋￥1050 ，七種味，橙，草莓，綠茶，朱古力，blueberry，牛奶，香蕉味，呢個必買！
呢度有美食廣場，在地下2/F，第一次幫襯日本美食廣場，同香港設計冇乜分別。
好多選擇，不過不外乎都係拉麵，炸豬扒飯，烏冬拉麵等日式料理。
價錢唔平，呢間唔出名的炸豚肉定食要￥850，味道同和幸，差好遠囉，不推介！
叉燒拉麵阿四食，都係唔得！始終係美食廣場質數。
食埋今早在築地買的浦燒鰻魚，咁樣已經要￥2000，唉！凍左唔好食，一定要趁熱即買即食，浪費了 ><
不過原來呢度美食廣場有間舖，食物出乎意外好吃到震， day 5 揭曉！
吃完 lunch,美食廣場對出便是這一比一，巨型大高達，
終於見到佢了，感覺好高，大，你好有型呀！
睇下，D人只有到佢腳跟咁高咋，真係好大隻
背後的也相當仔細，我懷疑真係可以噴火識飛！
第四日待續.....
留言列表
