昨晚自助餐吃得太飽,今朝酒店自助早餐我只略吃2片多士加一小碗粥便夠了!
早餐view不錯
Ah四仲有胃口喎!
昨夜失眠,早餐後返房再稍事休息,本來我個胃唔多舒服,想着check out 後返家!不過睡到12pm又好似冇咩事,於是照原定計劃出發往坪洲一遊,話哂未去過!
由梅窩碼頭搭 1:30pm船,約20分鐘便到坪洲。
坪洲很細,住宅多,景点少
碼頭附近 view
島上唯一的居屋坪麗苑,這排居屋對正大海景,好過住豪宅!
大街小巷隱藏多舊式雜貨舖、冰室、街市等,供應島上居民生活所需。
這裏就是被Ah So推介什麼全港最好吃的蝦多士,自從Ah So去過後,逢星期六日都係大排長龍,搞到只可限兩人叫一碟,超大牌呀!!!!
不過平日咁靜!但係都依舊只可order–碟,個老板娘仲要食咗火藥咁,死都唔肯比我地叫多碟,鬼咩!佢啱啱先同另一枱的一對老年夫婦客人因找數問題吵架,好鬼死惡
,見到咁情景,我同Ah四決定拿拿淋食完埋單走人!
兩人share–份的蝦多士茶餐($25)--塊多士size很細,係一塊去了皮的方包size再一開四
咬開內裏食唔到有蝦肉,feel到得2粒仔蝦毛肉,其餘全部係D似白汁薯蓉物体,根本不是蝦膠,根本唔知裏面D係乜東東,我唔明Ah So点解話好食,絕對是很欺骗人的蝦多士,我强烈建議你地唔駛專登走入去試,就算好似我咁入坪洲行,唔覺意經過都唔好入去試!
不過想回轉頭好彩佢地大支嘢限每兩人一碟,如果唔係 order 2碟蝕桌!成$25碟
網上有好多人反擊Ah So根本唔識食,我信架!
下午3:30雖然好曬但一心來到坪洲,点都要上去唯一最出名景點手指山行吓,手指山位於坪洲南灣,高約97米,是鳥瞰香港西南海岸的最佳地點。山下設有這條家樂徑,拾級而上亦不太吃力,是輕量的遠足行程。
不過下午仍然好曬好熱及乾燥,要常停下補充水份
沿途有不少靚景,越高空氣越爽!
行咗半小時,終到達山頂有一個指示牌
及一個涼亭(鳳萍亭)咁大把,一眼見哂!
在這裏可鳥瞰全個坪洲
坪洲後面應是是愉景灣,不過太大煙霞拍得不太清楚,失望!
也可望到部份迪士尼啊!
呢度其實係青衣大橋,不過大煙霞到隱蔽咗!
無無聊聊--Ah四玩剪影效果,如何?
這兩幅我拍的...
斜陽下的俊男
5時正下山,去到碼頭遇上美丽的日落,緊係睇埋至走!Ah四好開心,話睇埋日落直頭係bonus!
今次生日之旅隨着日落劃上完美句號。
後記:找遍成個梅窩都找唔到一樽大澳蝦醬,居然被我在坪洲找到,搞笑!
Ah四:送樽大澳蝦醬比你做生日禮物
留言列表
