hello,係我大舊,好久不見, long time no blog ,大眼妹好懶,唔寫blog,夜晚又唔多件衫,搞到冷親,佢依家休息,等我大舊借blog寫下先,你地睇完都要有D feedback比我呢隻超靚仔同可愛的加菲貓呀!
都有好多年無去Ocean park,對上都係數年前Ah四打エ的公司book咗Ocean一晚夜場6pm-10pm(special for 佢地公司員工家屬入場玩),仲只係玩山頂個part...所以我地連山下面的熊貓館都未去過架!
11月14係大眼girl生日,咁啱係星期日,佢算到盡...果日佢生日免費入場,Ah四响百X用積分+$180買了張入場券,而我加菲就不嬲去邊都免費架喇,咁用$180一家3口玩足1日,好抵喎!
好嘢!探熊貓先
有我一半咁可愛喇
有我100%足懶惰
呢塊牌係咪講我食量?
跟住去探小熊貓,呀~幅相後面果隻至係,唔好搞錯!
雖然我都好似柔柔,哈哈!
可愛死了!
仲有其它動物館,想搞下D鱷魚蛋,大眼唔比,掃興!
〝彩〞!日光日白搞D咁既嘢....
留言版--一家3口各自留言,我都有願望架~~pizza hut!
金魚館,忽然想食魚添!
大眼魚來呀!
呢張相大眼捕捉唔錯,似幅畫
睇雀鳥表演,D雀鳥訓練吓原來都好聽話架,叫佢做乜就做乜,無它,好似人類咁辛苦エ作為兩餐啫!
可唔可以訓練佢自動飛入我口?
第一次搭呢架海洋列車上山頂,也第一次給我恐佈的感覺,我講不是這架車,而是D大陸旅客,話說車廂裏雖然昏暗,卻又未到伸手不見五指,有個大陸婆公然响車廂內忽然除咗件衫,上身只剩下bra,跟住佢翻轉件衫再着番上身--->我地睇到目瞪口呆
,咁都得!只可惜佢唔係靚女,仲要成身鬆泡泡的皮膚及脂肪响你眼前坦蕩蕩,ah四話落車要去toilet洗吓对眼先!
排隊玩摩天塔,排咗好耐,因為D大陸客係咁打尖,似去咗世博咁!
咁辛苦上到塔,影番幅風景+靚貓相先
再去中華鱘館睇鱘龍魚,望落好似好好味咁.....唔知街市幾錢斤?
忽然想起fish and chips...
太平洋海岸,即係睇海獅,環境唔錯
見到佢地好好瞓,我又想瞓
海洋劇場睇海豚show,你睇Ah四抱住我幾咁溫馨赤子情!
就係睇完show,影完呢張靚貓相,有個大陸男人走埋來問大眼我呢隻咁可愛貓仔是否在園內有得買?ha ha ha,靚貓沒法檔,咁都有fans,海豚海獅唔係我对手!
一家三口玩下浪漫摩天輪
响海洋館D沙魚係咁〝啤〞住我,大佬,我唔好味架!
透明水母,好靚呢!
最後梗係坐番程吊車落山
未夠7點,天都黑齊,果日入夜後都幾凍幾大風架,吊車都吹到搖吓搖吓,好激!仲有前後成排吊車得番我地一架有人,忽感陰森森恐佈,你睇我响架車裡個呆樣!
留言列表
