阿四旅遊blog/ 大眼袖珍場景分享

較早前同Ah四+大舊一家人去咗長洲2日1夜渡下假、減下壓!

由於早餐食得晏,我地1点幾到步只吃了長洲最出名的大大粒魚蛋

$10 2粒,size乒乓球咁大,超級弹牙,非常好味,必試!

仲有由日本人主理的故鄉茶寮,這裡最出名是紅豆餅

$6 個新鮮熱辣辣,餅皮夠軟熟!

我很喜欢往離島走一轉,因為一定有佢地出現--貓貓

今次放棄了一般的渡假屋,book 了長洲島上唯一一間的酒店--->華威酒店

price 係 $6xx--包一晚海景房及2人早餐

酒店地方不大,但五臟俱全,正門進去便是餐廳

酒店外有個燒烤場,都有4-5個爐 ge,只供住客用的!

房間 ok,不算大,但就四正乾淨

有高清TV台睇喎!

厕所細咗D,只得企缸,但有齊毛巾、肥皂、厕紙及牙刷等清潔用品

仲有雪櫃、拖鞋,另外可問housekeeping借風筒及暖水壺,就是因為咁我喜欢住酒店多於渡假屋,只需帶多–件衫便可赤手空拳入住嘛!

酒店房最大賣點就係呢個露台+180度無敵大海景,六百幾元晚真係抵住,大舊好識嘆,一入房便衝去露台hea吓先!

無敵大海景,好正><

仲可遙望東堤景色

晚上在酒店BBQ,食物當然自備!

夜晚遊人唏少,很寧靜,酒店位置倒是不差,不過隔鄰便是長洲医院,又感到陰森森的,唉,不要諗咁多...心中冇鬼!

房間的燈光好浪漫啊!

第二朝早餐可選擇在房間露台享用,打電話去reception便有專人送餐

咁正的海景view,更係選擇在這露台用餐!

唯一缺点是酒店旁有直升機降落坪,有直升機降落就超嘈,要掩耳果隻,我地第一晚深夜已被直升機降落嘈醒咗1次,所以一定要關上露台窗門睡!

待續.....